|
Composto en 2002 por entidades de carácter social, sindical e político, ten como obxecto sensibilizar á sociedade en relación coa situación das persoas inmigrantes e emigrantes retornadas. Cabe destacar varias actividades que realiza o foro como son:
- Asemblea xeral da inmigración e emigración de retorno onde se conclúen unha serie de actuacións concretas, a nivel lexislativo e social.
- Formación itinerante sobre a lei de estranxeiría dirixida a técnicos que traballan con persoas inmigrantes e emigrantes e á poboación en xeral
- Campañas de sensibilización dirixida ao empresariado e outros
- Decálogo medios de Comunicación En Santiago de Compostela o Foro de inmigración reúnese de xeito mensual (o primeiro mércores de cada mes)
- Campañas nos centros educativos de primaria e secundaria:
- Campaña Xunt@s: dirixido ao alumnado de educación primaria, 3 º e 4º de Primaria
- En cada Rostro Igualdade: Accións de formación-sensibilización dentro do ámbito do ensino secundario
- Campaña Mira cos mesmos ollos: dirixida a escolares de colexios e centros de secundaria durante o curso 2003-2004, incluía Charlas-coloquio, exposición itinerante, e concurso de camisetas para os mais pequenos. Tivo unha notable difusión na cidade e comarca. Traballouse tamén en iniciativas similares a nivel universitario e social (centros socioculturais municipais, parroquias, etc)
Foro de Inmigración en Santiago
Centro Traballo e Cultura Rúa de San Roque 6-bis
15704 – Santiago Teléfono: 981576142
www.forogi.wordpress.com
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Durante os últimos tres anos o Foro de Inmigración, en colaboración cos Departamentos de Educación dos Concellos de Santiago e Ames, leva desenvolvendo diferentes campañas de sensibilización do alumnado ante o fenómeno migratorio. Froito das experiencias acumuladas neste tempo, e ante a escaseza de materiais en galego sobre este tema, elaboramos a unidade didáctica En Cada Rostro Igualdade. Este proxecto educativo vai dirixido fundamentalmente ao alumnado de 2º ciclo de E.S.O. pero tamén inclúe actividades que poden ser útiles noutros niveis. O obxectivo xeral é achegar aos alumnos ao fenómeno da inmigración a través dunha perspectiva crítica e razoada, logrando a súa implicación afectivo e actitudinal na convivencia e na construción dunha sociedade integradora e intercultural. A unidade didáctica propón actividades para ser traballadas nas titoras ou en sesións específicas dedicadas a este tema, coordinadas, se é o caso, polo Departamento de Orientación. A súa estrutura é a seguinte:
Guía para o profesor.
Bloque I. Reflexionando sobre os estereotipos.
Bloque II. Causas e consecuencias das migracións.
Bloque III. A inmigración a través dos xornais.
Bloque IV. Tomando postura. Dita estrutura permite afondar no fenómeno migratorio e na realidade das persoas migrantes. En cada un dos catro bloques establécense uns obxectivos específicos e ofrécense unha serie de actividades detalladas para que o profesorado seleccione aquelas que lle parezan máis apropiadas para o grupo. Se están interesados en recibir este material non teñen máis que solicitalo, indicando o seu enderezo, e enviarémosllo ao seu centro.
|
