Programa Integrado de Emprego 2026-2027
Edición 2026-2027
Plataforma polo Emprego
A Plataforma polo Emprego pon en marcha o Programa Integrado de Emprego 2026-2027, unha iniciativa dirixida a persoas migrantes en situación de desemprego, co obxectivo de mellorar as súas oportunidades de acceso ao mercado laboral a través da orientación personalizada, a formación e o acompañamento na procura de emprego.
A través dun itinerario personalizado, ofreceremos orientación laboral, formación, acompañamento e contacto coas empresas, adaptando as actuacións ás necesidades, capacidades e obxectivos profesionais de cada persoa.
O noso obxectivo é facilitar ferramentas e oportunidades para mellorar a empregabilidade, favorecer a autonomía na procura de emprego e apoiar a incorporación ao mercado laboral.

Que che ofrecemos?
1. Orientación e acompañamento individualizado
2. Formación para mellorar as túas oportunidades laborais
Participarás en accións formativas orientadas a mellorar as túas competencias profesionais e transversais, ampliar as túas posibilidades de acceso ao emprego e responder ás necesidades actuais das empresas.
3. Obradoiros de procura activa de emprego
Traballaremos en grupo diferentes ferramentas e habilidades necesarias para afrontar con maior autonomía a procura de emprego.
4. Contacto coas empresas e intermediación laboral
Manteremos contacto co tecido empresarial para identificar oportunidades de emprego e facilitar o encontro entre as necesidades das empresas e os perfís profesionais das persoas participantes.
Que máis che ofrecemos?
• Bolsa de asistencia de 10 € por cada día de participación nas actuacións do programa
• Medidas de conciliación para facilitar a participación.
• Orientación e acompañamento profesional durante todo o itinerario.
• Posibilidades de realizar prácticas non laborais en empresas colaboradoras.
A quen vai dirixido?
O programa está dirixido a persoas migrantes que se atopen en situación de desemprego e estean inscritas como demandantes de emprego no Servizo Público de Emprego de Galicia, cumprindo os requisitos establecidos na convocatoria.
Como será o teu itinerario?
1. Acollida e primeira entrevista
2. Diagnóstico e itinerario personalizado
3. Orientación e formación
4. Prácticas e contacto coas empresas
5. Inserción e seguimento
Queres participar?
Se estás en situación de desemprego e queres mellorar as túas oportunidades de acceso ao mercado laboral, contacta connosco.
Informarémoste sobre o programa e os requisitos para participar.
Teléfono e whatsapp: 604 029 931 | 687 368 314
Correo electrónico: integrado@plataformapoloemprego.org | orienta1@plataformapoloemprego.org
Información do programa
60 Persoas participantes
460 horas Formación prevista
Programa Integrado de Emprego da Asociación Plataforma polo Emprego
Expediente: TR332A-2026
Xunta de Galicia · Consellería de Emprego, Comercio e Emigración
Programa financiado pola Consellería de Emprego, Comercio e Emigración da Xunta de Galicia e polo Ministerio de Traballo e Economía Social a través do Servizo Público de Emprego Estatal (SEPE).






