Programa INSIRE-ITINERARIOS DE INCLUSIÓN E TRANSICIÓN AO EMPREGO, Desde o 1 de xaneiro ata o 31 de decembro de 2025.

Programa subvencionado conforme a ORDE do 11 de setembro de 2024 pola que se establecen as bases reguladoras e se convoca o procedemento para a concesión de subvencións destinadas á realización de programas de interese xeral para fins de carácter social, con cargo á asignación tributaria do 0,7 % do imposto sobre a rendas persoas físicas e do imposto de sociedades, xestionado pola Consellaría de Política Social e Igualdade da Xunta de Galicia (código de procedemento BS623D).

 DESCRICIÓN DA ACTUACIÓN

INSIRE conta con persoal técnico para realizar labores de inclusión sociolaboral desde unha perspectiva do apoio técnico e o acompañamento. Para isto, traballa a partir do diagnóstico, elaboración de perfil profesional e definición dun itinerario personalizado de inclusión; o seu cometido é proporcionar axuda profesional para a cualificación profesional e a inserción laboral, así como prestar apoio para a mellora da situación persoal, social e económica das persoas atendidas. Dentro das súas funcións está a formación individual e grupal para o fortalecemento de capacidades persoais, con actuacións a nivel educativo, situación administrativa, saúde e vivenda entre outros, en coordinación cos Servizos Sociais e demais recursos do territorio.

OBXECTIVOS

Dotar de recursos persoais para o desenvolvemento sociocultural e laboral das persoas atendidas

Mellorar a empregabilidade das persoas participantes

Promover a capacitación socioprofesional

Fortalecer as redes entre entidades e administracións

Facilitar a inserción sociolaboral 

QUEN PODE PARTICIPAR?

Persoas desempregadas ou con emprego precario para a inserción sociolaboral que se encontren en situación de vulnerabilidade ou risco de exclusión social e teñan a residencia na área de influencia de Santiago de Compostela.