No marco do Programa “Achegando”, poñemos en marcha un curso de Inmersión Lingüística e Cultural, orientado principalmente ao colectivo de persoas migrantes. Esta formación ten como obxectivo principal promover a integración sociolaboral das persoas participantes na área de influencia do concello de Arzúa.

Datas: 24  ao 28 de febreiro de 2025

Duración: 25 horas

Horario: 9:00 a 14:00 h

Lugar: Concello de Arzúa

Destinatarias/os: Preferentemente persoas migrantes desempregadas ou en situación de emprego precario, que se atopen en situación de vulnerabilidade ou risco de exclusión social.

Propósito da formación

• Fomentar a interacción coa cultura local, facilitando a convivencia intercultural e a integración sociocultural e laboral
• Desenvolver habilidades sociais empregando novas tecnoloxías aplicadas á busca de emprego

Obxectivos principais

• Achegar o idioma e a cultura da sociedade de acollida ás persoas migrantes
• Promover a adquisición de recursos sociais e dixitais para o desenvolvemento social e laboral
• Facilitar o proceso de recibimento das persoas migrantes a través do coñecemento da sociedade de acollida
• Fomentar a integración e a permanencia no mercado laboral das persoas participantes

Contidos do curso

• Coñecemento histórico-cultural da sociedade galega e española, incluíndo unha visita virtual a un espazo cultural
• Inmersión lingüística orientada á vida diaria
• Competencias dixitais
• Habilidades sociais e de comunicación
• Dereitos laborais e ferramentas para a busca de emprego
• Igualdade de xénero

(Actuación subvencionada a través da ORDE do 27 de xuño de 2023 pola que se establecen as bases que rexerán a concesión de subvencións a entidades privadas de iniciativa social para a promoción de actuacións de servizos sociais comunitarios e inclusión social para os anos 2023 a 2025, cofinanciada parcialmente pola Unión Europea no marco do Programa FSE+ Galicia 2021-2027, e se procede á súa convocatoria – código de procedemento BS631A)

Se queres máis información, non dubides en contactar connosco.

Plataforma polo Emprego:

981 58 05 06

698 196 098

604 029 931