No marco do Programa Achegando, desenvolvemos un curso de Inmersión Lingüística e Cultural dirixido principalmente a persoas migrantes. Esta acción formativa ten como finalidade favorecer a integración sociolaboral das persoas participantes, reforzando as súas competencias lingüísticas e o coñecemento do contorno social e cultural, no ámbito de influencia do concello de Santiago de Compostela.

Datas: 02 ao 06 de febreiro de 2026

Duración: 25 horas

Horario: 9:00 a 14:00 h

Lugar: Centro Sociocultural José Saramago – VITE (Rúa de Carlos Maside, 7. Santiago)

Destinatarias/os: Preferentemente persoas migrantes desempregadas ou en situación de emprego precario, que se atopen en situación de vulnerabilidade ou risco de exclusión social.

Propósito da formación

  • Fomentar a interacción coa cultura local, facilitando a convivencia intercultural e a integración sociocultural e laboral
  • Desenvolver habilidades sociais empregando novas tecnoloxías aplicadas á busca de emprego

Obxectivos principais

  • Achegar o idioma e a cultura da sociedade de acollida ás persoas migrantes
  • Promover a adquisición de recursos sociais e dixitais para o desenvolvemento social e laboral
  • Facilitar o proceso de recibimento das persoas migrantes a través do coñecemento da sociedade de acollida
  • Fomentar a integración e a permanencia no mercado laboral das persoas participantes

Contidos do curso

  • Coñecemento histórico-cultural da sociedade galega e española
  • Inmersión lingüística en galego e castelán, centrada no uso funcional das linguas en situacións da vida diaria
  • Desenvolvemento de competencias dixitais orientadas á xestión da vida persoal, formativa e laboral
  • Mellora das habilidades sociais e comunicativas
  • Formación básica en dereitos laborais e adquisición de ferramentas para a busca activa de emprego.
  • Enfoque transversal e específico da igualdade de xénero

Actuación financiada a través da ORDE do 23 de maio de 2025 pola que se establecen as bases que rexerán a concesión de subvencións a entidades privadas de iniciativa social para a promoción de actuacións de servizos sociais comunitarios e inclusión social para os anos 2025 a 2027, cofinanciada parcialmente pola Unión Europea no marco do Programa FSE+ Galicia 2021-2027, e se procede á súa convocatoria (código de procedemento BS631A).

Se queres máis información, non dubides en contactar connosco.

Plataforma polo Emprego:

981 58 05 06

698 17 06 90

604 029 931